Views: 542

Ikipe ya Manchester City yamaze kujya ku gitutu gikomeye nyuma yo guhagamwa n’ikipe ya West Ham United aho banganyije ibitego 2-2 ndetse nabwo ni umukino iyi kipe ya Pep Guardiola yaje yishyura nyuma yo kubanza gutsindwa ibitego 2-0.

Mu mukino wo ku munsi wa 37 muri shampiyona y’Ubwongereza ikipe ya Manchester City yakinaga n’ikipe ya West Ham United, uyu mukino wagiye gukinwa ikipe ya Manchester City ihabwa amahirwe ku buryo bukomeye yo kwegukana iki gikombe cya Shampiyona y’Ubwongereza.

Gusa ntabwo ikipe ya Manchester City yigeze yoroherwa n’ikipe ya West Ham dore ko iyi kipe yahise itsindwa ibitego 2-0, nyamara ikipe ya Manchester City yaje yishyura ibi bitego ndetse iza no guhusha penaliti yakuwemo neza n’umunyezamu wa West Ham witwa Lukas Fabiyanski.

Magingo aya ikipe ya Manchester City yongeye kugira igitutu dore ko ishobora kongera kotswa igitutu n’ikipe ya Liverpool mu rugamba rujyanye n’igikombe cya shampiyona y’Ubwongereza (Premier League.)

Ikipe ya Manchester City ifite umukino wa nyuma ukomeye igomba kuzakina n’ikipe ya Aston Villa itozwa n’uwahoze ari umukinnyi ukomeye w’ikipe ya Liverpool Steven Gerald.

SHARE WITH US

By Edouard Nsengiyumva

Umunyamakuru umaze imyaka 7 akora itangazamakuru https://web.facebook.com/me/

Leave a Reply

Your email address will not be published.